Mae Cronfa Dreftadaeth y Loteri yn ymdrin ag ymholiadau, ceisiadau grant a monitro prosiectau llwyddiannus drwy system ar-lein. Pan fyddwch yn gwybod pa raglen y dymunwch wneud cais iddi, cofrestrwch gyda ni ar-lein. Unwaith y byddwch wedi cofrestru gyda ni, gallwch gael mynediad cyflym at ein system ar-lein drwy dudalen gartref y wefan.
Cyn i chi wneud cais
Os oes gennych ddiddordeb mewn gwneud cais am grant rhwng £3,000 a £10,000, gallwch gyflwyno ffurflen datganiad o ddiddordeb ar-lein i ddarganfod a yw eich prosiect yn addas ar gyfer y rhaglen. Yna gallwch benderfynu p'un ai i fynd ymlaen â'r cais. Nid yw hyn yn rhan o'r broses asesu - gallwch wneud cais ar unrhyw adeg heb gysylltu â ni yn gyntaf.
Os oes gennych ddiddordeb mewn gwneud cais am grant o fwy na £10,000, rydym yn argymell eich bod yn cwblhau ffurflen ymholi prosiect ar-lein. Mae hon yn ffordd dda o gael adborth gennym cyn i chi ddechrau gweithio ar gais llawn ond nid yw'n rhan o'r broses asesu.
Gwneud cais
Pan fyddwch yn barod i wneud cais, byddwch yn dod o hyd i'r ffurflen gais ar gyfer eich rhaglen ar ein system ar-lein. Bydd fersiynau PDF o'r ffurflenni cais ar gael i'w lawrlwytho a/neu argraffu pob tudalen rhaglen. Bydd y fersiynau PDF ar gyfer eich cyfeirnod yn unig.
Os nad ydych yn gallu cael mynediad i'r ffurflenni ar-lein neu yn cael problemau wrth ddefnyddio'r ffurflenni, anfonwch e-bost, gan roi manylion am eich ymholiad, i formsupport@hlf.org.uk. Dylech hefyd roi i ni eich manylion mewngofnodi (cyfeiriad e-bost a chyfrinair), a rhif cyfeirnod prosiect, os yw'n hysbys.