Mae Sgiliau ar gyfer y Dyfodol yn ariannu hyfforddiant seiliedig ar waith mewn ystod eang o sgiliau sydd eu hangen i ofalu am adeiladau, tirweddau, cynefinoedd, rhywogaethau a chasgliadau mewn amgueddfeydd ac archifau, yn ogystal ag arfogi pobl i arwain rhaglenni addysg ac allgymorth, rheoli gwirfoddolwyr a defnyddio technoleg newydd. Rydym yn rhoi grantiau i sefydliadau sy’n gallu dangos tystiolaeth o brinder sgiliau ac sy'n gallu cynllunio a datblygu rhaglen hyfforddi newydd a recriwtio, hyfforddi a thalu recriwtiaid sy’n newydd i’r sector. Gallwch wneud cais am grant rhwng £100,000 a £1miliwn.
Bwriad y fenter £15miliwn yma yw i:
- gynyddu ystod ac ansawdd yr hyfforddiant seiliedig ar waith er mwyn datblygu sgiliau yn y sector treftadaeth;
- diwallu prinder sgiliau a nodwyd yn y sector treftadaeth;
- gwella gallu’r sector treftadaeth i ddarparu hyfforddiant a rhannu arfer da; a
- cynyddu amrywiaeth y gweithlu treftadaeth.
Bydd y fenter Sgiliau ar gyfer y Dyfodol yn cyflawni canlyniadau ar gyfer treftadaeth, pobl a chymunedau. Mae prosiectau unigol angen cyfrannu tuag at y tri canlyniad a restrir isod.
Canlyniadau ar gyfer pobl:
Gyda’n buddsoddiad, bydd pobl wedi:
- datblygu sgiliau
- dysgu am dreftadaeth
Canlyniadau ar gyfer cymunedau:
Gyda’n buddsoddiad
- bydd mwy o bobl ac ystod ehangach o bobl wedi ymgysylltu â threftadaeth
Os hoffech gofrestru diddordeb yn ein gweithdai ymholiad prosiect, cysylltwch â skills@hlf.org.uk gyda dyddiad a lleoliad y sesiwn yr hoffech ei fynychu.
Cofiwch gynnwys eich teitl swydd a'r sefydliad y byddwch chi'n cynrychioli. Mae lleoedd yn gyfyngedig a chânt eu dyrannu ar sail cyntaf i'r felin. Os gallwch wneud mwy nag un dyddiad rhowch wybod i ni rhag ofn bod eich dewis cyntaf ddim ar gael.
- Llundain 5 Tachwedd
- Caeredin 9 Tachwedd
- Ballymena 19 Tachwedd
- Birmingham 23 Tachwedd
- Caerdydd 28 Tachwedd
- Wrecsam 29 Tachwedd
- Manceinion 30 Tachwedd
- Taunton 5 Rhagfyr
- Llundain 7 Rhagfyr
- Peterborough 13 Rhagfyr
Mae ceisiadau Sgiliau ar gyfer y dyfodol yn mynd drwy broses ddwy-rownd. Mae hyn er mwyn i chi allu gwneud cais yn gynnar wrth gynllunio eich prosiect a chael syniad a oes gennych siawns dda o gael grant cyn i chi anfon eich cynigion atom yn fwy manwl.
Mae'n rhaid i chi gyflwyno eich cais rownd gyntaf erbyn 12 canol dydd 31 Ionawr 2013. Byddwn yn asesu eich cais a bydd wedyn yn mynd i'n Bwrdd Ymddiriedolwyr am benderfyniad yn Mai 2013.
Os bydd eich cais yn llwyddiannus, yna bydd angen i chi gyflwyno cynllun hyfforddiant manwl. Rhaid i ni ei dderbyn erbyn 31 Rhagfyr 2013. Byddwn yn asesu hyn mewn wyth wythnos ac yna bydd yn mynd i'r cyfarfod penderfynu nesaf sydd ar gael.
Ym mis Mai 2010 fe wnaethom ddyfarnu £17miliwn i 54 o brosiectau a fydd yn creu 800 o gyfleoedd hyfforddi newydd mewn lleoliadau treftadaeth ledled y DU.
Dros haf a hydref 2010, fe gynhyrchodd ein grantïon gynlluniau hyfforddiant manwl er mwyn gallu cyflawni eu prosiectau. Ym mis Rhagfyr 2011 fe benderfynodd ein Bwrdd Ymddiriedolwyr i wahodd grantïon Sgiliau ar gyfer y dyfodol a 10 o grantïon Bwrsari Hyfforddiant pellach i wneud cais am gynnydd grant i ddarparu lleoedd hyfforddi ychwanegol yn gyflym. Mae llawer yn dal i hysbysebu swyddi dan hyfforddiant newydd cyffrous sy'n cynnig sgiliau mewn adeiladu llongau, rheoli gwirfoddoli, garddwriaeth ac amrywiaeth enfawr o sgiliau eraill.
Gallwch gael gafael ar restr lawn o brosiectau Sgiliau ar gyfer y dyfodol a chael gwybod am y cyfleoedd hyfforddi sydd ar gael.
Canfyddwch fwy am raglen Bwrsariaethau Hyfforddiant CDL.