Rydym yn fuddsoddwr cyfrifol, yn defnyddio meini prawf clir ac rydym yn blaenoriaethu ceisiadau am arian mewn ffordd strategol. Rydym yn sicrhau bod ein penderfyniadau yn seiliedig ar arbenigedd, tystiolaeth a beirniadaeth.
Rydym wedi ymrwymo i roi cyngor gonest cyn i chi wneud cais, ac mae ein proses asesu yn gadarn ac yn deg. Cyn i chi wneud cais am grant, gallwch gael cyngor cyn gwneud cais gan staff datblygu timau rhanbarthol a chenedlaethol Cronfa Dreftadaeth y Loteri sydd wedi'u lleoli ledled y DU.
Caiff ffurflenni cais ar gyfer grantiau ein holl raglenni grantiau eu hasesu gan swyddogion grantiau, a bydd naill ai rheolwr gwladol/rhanbarthol, pwyllgor gwladol/rhanbarthol neu ein Bwrdd Ymddiriedolwyr yn gwneud penderfyniad am eich cais.