Diolch am ddangos diddordeb yng Nghronfa Dreftadaeth y Loteri (CDL). Mae hwn yn sefydliad unigryw sy'n cynnig cyfleoedd swyddi gwych a sgôp gwirioneddol ar gyfer datblygiad personol a phroffesiynol.
Mae ceisio penderfynu p'un a ydych am chwilio am swydd newydd, gydag amgylchedd gwahanol, cydweithwyr newydd a rôl newydd, yn codi llawer o gwestiynau. Er mwyn eich helpu i benderfynu ai Cronfa Dreftadaeth y Loteri yw'r dewis iawn i chi, rydym wedi casglu rhywfaint o wybodaeth gyffredinol am y manteision o weithio i'r Gronfa.
Carole Souter - Prif Weithredwr
Cyfleoedd gwaith
Mae CDL yn gyflogwr cyfle cyfartal ac rydym yn annog ceisiadau gan ystod eang o bobl a chefndiroedd. Rydym yn sefydliad achrededig 'Buddsoddwyr mewn Pobl' ac yn parhau i gefnogi'r symbol Tic Dwbl Anabledd. Mae gennym 11 o swyddfeydd rhanbarthol a gwlad ar draws y DU ac yn cyflogi ystod eang o bobl fedrus yn rhoi grantiau, gwaith datblygu, datblygiad strategol a busnes yn ogystal â'r rhai sy'n gweithio ym maes cyfathrebu, cyllid, TG, personél ac ysgrifenyddiaeth. Rydym yn cynnig tâl cystadleuol a phecyn buddion ac yn annog ethos o ddysgu a datblygu ar draws y sefydliad.
Gweld cyfleoedd swyddi yn CDL
Cyfleoedd Pwyllgor
Mae 12 o bwyllgorau ar draws y DU ac maent yn cael eu cefnogi i gyd gan ein timau asesu ceisiadau yn lleol. O bryd i'w gilydd byddwn yn recriwtio i ddod o hyd i Gadeiryddion ac Aelodau newydd i gymryd lle'r rhai sydd wedi cyrraedd diwedd eu cyfnod penodiad. Caiff Cadeiryddion ac Aelodau eu penodi fel arfer am dair blynedd yn y lle cyntaf, gyda'r posibilrwydd am ail dymor.
Mae’r Pwyllgor yn cyfarfod bedair gwaith y flwyddyn ac yn gwneud penderfyniadau ar geisiadau am grant rhwng £100,000 ac ychydig o dan £2 filiwn, yn darparu cyngor i'r Bwrdd ar grantiau o dros y swm hwn, a chynnal trosolwg strategol o'r portffolio grantiau bach. Mae gan Cadeiryddion ac Aelodau rôl i'w chwarae hefyd fel cynrychiolwy o, ac eiriolwyr ar gyfer, Cronfa Dreftadaeth y Loteri yn eu gwlad neu ranbarth.
Rydym ar hyn o bryd yn recriwtio ar gyfer aelodau'r pwyllgor yng Nghymru ac ar draws Lloegr yn y rhanbarthau canlynol: Dwyrain Lloegr, Dwyrain Canolbarth Lloegr, De Orllewin a Gorllewin Canolbarth Lloegr. Rydym hefyd yn recriwtio ar gyfer Cadeirydd ein Pwyllgor ar gyfer y Gogledd Orllewin.
Gweld cyfleoedd Pwyllgor yn CDL