Gall ein cyllid helpu i drawsnewid tirweddau gwledig a threfol ledled y DU. O barciau cyhoeddus i fynwentydd, o gynefinoedd bywyd gwyllt i rywogaethau prin, o wenyn i forfeirch, maent oll wedi cael cymorth drwy ein cyllid ar gyfer prosiectau tir a bioamrywiaeth.
Mae ein buddsoddiadau wedi helpu i gadw ac adfer rhai o'n cynefinoedd a'n rhywogaethau sy'n wynebu'r bygythiad mwyaf. Rydym yn cyfrannu'n fawr tuag at y gwaith o fodloni targedau Cynllun Gweithredu Bioamrywiaeth y DU, drwy brosiectau a gyflenwir drwy ein rhaglenni Grantiau Treftadaeth, Gwreiddiau Ifanc ac Eich Treftadaeth.
Mae ein rhaglen Partneriaethau Tirwedd arloesol yn helpu i gadw tirweddau nodedig, drwy fuddion cadwraeth, yn ogystal â helpu pobl i ddysgu am ein cefn gwlad unigryw, a chael mynediad ato.
Mae ein rhaglen Parciau i Bobl wedi adnewyddu dros 500 o barciau cyhoeddus, yn cynnwys parciau trefol, parciau gwledig, sgwariau, gerddi a phromenadau. Mae ein buddsoddiadau wedi adfywio parciau cyhoeddus y DU gan sicrhau bod mannau gwyrdd yn fwy hygyrch, yn fwy deniadol ac yn fwy diogel, a chan ddod â buddion cymdeithasol, amgylcheddol ac economaidd i'n cymunedau.
Darllenwch astudiaethau achos (yn Saesneg) o rai o brosiectau rydym wedi cefnogi.